Darating at Aalis

Ulan na biglang pumapatak ‘Di ko alam kung saan nagbuhat Galing ka nga ba sa dagat? O di kaya'y iyak ng langit

Ulan, ulan, sa iyong pagdating Pagtulog ko'y naging mahimbing Maingay man ang bawat patak sa yero Ako'y nagagalak na ika'y pumaparito

Sa bawat oras na ayoko ng mga tinig Mga maingay na tinig mula sa aking paligid Sa mga oras na gusto ko ng kasabay Kasabay sa aking pagtangis at lumbay

Ulan, ika'y maituturing na biyaya Lalo na sa tanim ng mga magsasaka Ngunit wag kang masyadong padadala Alalahanin ang iyong mapipinsala.

Tanging hiling, ‘di sana siya katulad ng ulan Na dumating nang bigla-biglaan Aalis ng wala man lang paalam At babalik kung kailan man niya nanaisin.