Si Bes, bow
Isa lang siyang Nobody. Kumbaga sa gay linggo, chaka bes! Pandak, pwede nang manungkit ng kamatis. Kung isa siyang tsokolate, isa siyang dark chocolate. Ang noo, naku, Ninoy Aquino International Airport. Mga biyas na parang upo, tadtad ng bentsingko. Ang amoy, malakas pa sa Piccolo. Ang buhok, daig pa ang kay Pedro Penduko. Kung gusto niya pang mabuhay, aba huwag na siyang yumuko.
Hindi ba talaga siya maganda? O baka ikaw lang 'tong mapanghusga? Hindi man siya nabiyayaan ng tangkad, taglay niya naman ang pusong malawak. Naaalala mo ba nung wala kang papel, kanino ka humingi? Naks, naka-iPhone, pad paper walang pambili? Hindi siyang kasing puti ng balat mo, pero ang kaniyang kalooban walang wala sa glutang gamit mo. Tanda mo nung 'di ka nag-review? Sinong naawa sayo, yun bang kisameng laging tinititigan mo?
Ano bang meron sa mga piso at bentsingko sa hita? Baka dala ng araw-araw na pangunguha ng panggatong. Samantalang ikaw kung gumasta, parang napupulot ang datung. Eh ang malaking braso? Baka resulta ng pagbubuhat ng baldeng sandamakmak. Samantalang ikaw kung mag-inarte, pak na pak. Yung amoy? Baka dahil sa babad na araw na trabaho. Samantalang yang labi mo, putok na putok.
Ngayon, kumusta ka bes? Sino ang dapat purihin? Sino ang dapat laitin?
